Elementos que pasan do real ao dixital e que se traen de volta ao noso mundo é a base de Codeco (Codificado-descodificado-codificado). Esta é a proposta que presenta esta tarde, ás oito, a Fundación Luís Seoane da Coruña. Belén Montero e Juan Lesta (DSK) son os responsables de nos presentar coma obxectos elementos que estamos afeitos a ver na pantalla. Deste xeito, os asistentes á mostra poderán interaccionar cun Tetris analóxico (con pezas reais) ou cunha paleta gráfica nas que os píxeles de cores son magnéticos.
