Un millón de euros para recuperar o mosteiro de Santa Catarina de Monte Faro, en Mugardos, do seu actual estado de deterioro. A conselleira de Cultura, Ánxela Bugallo, presentaba esta mañá o pal director para o conxunto, que prevé realizar obras de acondicionamento de tellados e baixantes para eliminar o grave problema de humidades deste monumentos. Actuacións sobre as dependencias anexas ao mosteiro e a protección do contorno visible desde o mesmo son outras das actuacións previstas neste texto, no que se recoñece a posibilidade de darlle emprego turísticoa a este edificio histórico que durante moito tempo foi patrimonio militar.
Entre as medidas propostas está a posta en marcha dun centro de interpretación do lugar no que se poida contemplar a colección de pezas arqueolóxicas e arquitectónicas do complexo e no que se explique polo miúdo a historia desta construción.
