“Hai unha idea popular que di que é o paso do tempo o que decide o que queda ou non queda. Pero iso é unha trampa”. Esta é a afirmación da escritora e profesora María do Cebreiro cando lle preguntamos se o paso do tempo é unha condición imprescindible para definir un ben cultural. Sobre isto falamos cos expertos participantes no foro de debate “O valor crítico dos bens culturais” organizado polo Consello da Cultura Galega.
