Valencia acollerá os XXV Encontros Galeusca

Entre os vindeiros días sete e nove e novembro, as localidades de Valencia e Sueca acollerán a XXV edición dos Encontros Galeusca. Autores de distintas literaturas minoritarias do Estado reuniranse para debater encol de Literatura e paisaxe do eu. Este é o primeiro encontro deste tipo que se celebra logo de que se constituíse, o pasado mes de xullo a Federación Galeusca, que agrupa as asociacións de escritores en catalán, euskera e galego. Entre os representantes do noso país que acudirán ao encontro están Agustín Fernández Paz, Anxos Sumai, Xavier Queipo e Marilar Aleixandre entre outros, ata un total de quince autores.