Despois dunha longa enfermidade, onte finaba Anxo Rei Ballesteros (Boqueixón, 1952). Con Dos anxos e dos mortos abriu en 1977 a prosa en galego da democracia, ademais de marcar un estilo próximo e directo moi influinte noutros escritores coetáneos. Rei Ballesteros tratou numerosos xéneros como o conto en A sombra dos teus soños (1998), ou o ensaio, en A outra memoria ( 1989) ou Tempo e vinganza(2003). Xunto con Carlos Fernández foi gañador do vixésimo primeiro Premio Ánxel Fole polo traballo de investigación titulado Urda e mundo. Un ensaio sobre Rof Codina. Anxo Rei será soterrado no cemiterio do Barqueiro o venres, 31 de outubro á unha da tarde.
