Xerais publicará dous libros de Steiner en galego

After Babel: Aspect of Language and Translation, de 1976, e mais George Steiner at the New Yorker, unha obra que aínda sairá en inglés para xaneiro, son os dous títulos de George Steiner que Edicións Xerais publicará o vindeiro ano. Manuel Bragado, director desta firma anunciaba o proxecto no blog Brétemas, sinalando que con esta iniciativa a editora quere "contribuír a aprofundar" no debate "sobre a posición da cultura galega no mundo". As declaracións de Steiner menosprezando o galego nunha entrevista provocara hai varios meses unha intensa polémica no noso panorama cultural.