O libro Los judíos en Galicia leva o Premio Samuel Toledano

O Premio Samuel Toledano, que recoñece cada ano investigacións sobre as comunidades e a cultura dos xudeus na Península Ibérica, foi desta volta para un traballo galego. Los judíos en Galicia, de María Gloria de Antonio Rubido, foi publicada en 2006 pola Fundación Barrié e analiza a pegada desta comunidade no noso país durante a Idade Media. O premio ten unha contía de 15.000 dólares, e a autora recollerá o galardón o vindeiro nove de novembro en Xerusalén.