Atraer público de toda Galicia, Norte de Portugal e Castela e León é a intención dos organizadores do primeiro festial As Burgas de música alternativa. Este evento traerá ata Ourense algúns dos grupos máis destacados do panorama internacional os vindeiros vintecatro e vintecinco deste mes.
Grupos
O cartel do festival ábrese coa actuación dun grupo galego, os Moon Cresta, considerados pola crítica coma revelación da tempada no país. Será o día vintecatro ás dez da noite. A continuación chegaralle o turno ós americanos Big Soul, e logo delos Macaco coa súa fusión de estilos. Logo dos concertos no escenario principal, na praia fluvial de Oira, a música trasladarase ó pabillón de deportes desta localidade, onde a partir das dúas e media da noite, Trut 69 e DJ Javi Rial&Piti Sanz. Para a segunda xornada o espectáculo no escenario principal comezará de novo ás dez da noite con Alberto Mbundi e a Turma Angologalaica, que drán paso ós portugueses Zen para deixar o fin da noite ó veterán Rosendo. Logo, a partir das dúas e media da mañá, a acción trasladarase de novo ó pabillón de deportes, onde acturán Hijos de Caín, DJ Lord Keison e varios pinchadiscos locais. No mesmo lugar e ás seis da tarde, o Magical Brothers ofrecerán o seu espectáculo de humor e de maxia.
Instalacións e prezos
En total serán setenta e cinco mil vatios os que se repartirán entre os dous escenarios. Ademais da música, os asistentes disporán de baños, zonas de comida, áreas de recreo e as piscinas da praia fluvial. Por se fose pouco, instalaranse postos de artesanía e habilitarase unha zona de acampada á beira do río. A asistencia ó concertos no escenario principal custará doce euros por noite, sendo posible adquirir un abono para os dous días por 18 euros, mentres que a entrda no pabillón de deportes será gratuíta.
A organización do evento corre por conta do Concello de Ourense en colaboración coa empresa Malata Produccións, que investiron 132.000 euros para desenvolver esta iniciativa.
