Dezaoito escritores chegados de Asia e de África visitarán Compostela entre os vindeiros días 24 e 30 de outubro. Nestas datas celébrase a II Bienal Literaria De Pedra e de Palabra que organiza o PEN Clube Galicia. Entre os participantes, agárdase a presenza o Nóbel de Literatura chinés Gao Xingijan, que lerá o discurso inaugural, do marroquino Larbi El Harti, tradutor de Cunqueiro ao Árabe, ou de Germano de Almeida, de Cabo Verde, entre moitos outros. Unha das actividades previstas é un recital poético de homenaxe a Ramiro Fonte, recentemente falecido.
