O escritor e presentador de Televisión Española, Sánchez Dragó, gravará hoxe e mañá en Compostela un especial do seu programa Negro sobre branco ó que asistirán destacadas personalidades do mundo da literatura galega.
Escritores e estudiosos
Un escenario tan destacado como a Biblioteca América do Colexio de San Xerome, será onde esta mesma tarde, a partir das 18:30 horas, se gravará a mesa redonda que formará o prato forte do especial. Participantes tan ilustres como o rector da Universidade de Santiago, Darío Villanueva, os escritores Suso de Toro e Manolo Rivas e o tamén escritor, director da Editorial Galaxia e Presidente do Consello da Cultura, Carlos Casares.
Entrevista
Sánchez Dragó aproveitará a súa estancia para gravar tamén unha entrevista cun dos autores máis destacados das nosas letras, Xosé Luis Méndez Ferrín. Será nun dos salóns do Pazo de Raxoi, e na conversa preténdese facer un repaso da vida e obra do escritor.
