É unha honra recibir un premio que leva o nome de Barriga Verde pola homenaxe implícita ao teatro popular galego afirmaba Xosé Antón Neira Cruz despois de que a presidenta do xurado do premio Barriga Verde de textos lle comunicara que gañou na modalidade teatro de nenos pola súa obra O punto da escarola. Este galardón quedou deserto no apartado de teatro para adultos. Canda Neira Cruz, Teresa González Costa tamén recolleu o seu galardón, por partida doble, xa que gañou o Manuel María de Literatura Dramática Infantil (con Pinqueiras e Tarteiras) e Álvaro Cunqueiro para Textos Teatrais (con Sempre quixen bailar un tango). Os gañadores destes premios que concede Agadic déronse a coñecer no acto de inauguración da Feira Galega das Artes Escénicas.
Ambos gañadores recibirán unha dotación económica de 6.000 euros por cada un dos premios e os tres textos poderán ser publicados nalgunha das coleccións dramáticas que Agadic mantén en colaboración do diferentes editoriais galegas.
Ambos gañadores recibirán unha dotación económica de 6.000 euros por cada un dos premios e os tres textos poderán ser publicados nalgunha das coleccións dramáticas que Agadic mantén en colaboración do diferentes editoriais galegas.
