Ángel Jove ten unha ampla colección de vehículos antigos, moitos deles auténticas rarezas como un triciclo de Mercedes Benz de 1885. A primeira vez que se puideron ver en público foi nunha exposición na illa da Toxa e xa alí comezou a se falar da idea de crear un museo que levara o nome do seu fillo Jorge. Aquela idea acaba de dar o primeiro paso este mes, cando se constituiu a fundación que será o xermolo do futuro museo. O centro pretende ter un apartado expositivo de pezas exclusivas do mundo da automoción e, ademais, desenvolver actividades relacionadas co sector coma formación de profesionais e liñas de investigación.
