Aplicar o mesmo formato do premio San Clemente a obras de ensaio. Esta é a idea coa que o Instituto Rosalía de Castro acaba de presentar o premio Bento Spinoza, un galardón que quere ademais reivindicar a galeguidade deste pensador. Do mesmo xeito que no premio literario San Clemente, serán alumnos de secundaria de toda Galicia os que seleccionen cada ano a obra gañadora no campo do ensaio. O recoñecido investigador Carlos Pajares será o presidente do comité organizador, responsable de preseleccionar cinco obras entre as que os estudantes seleccionarán o gañador.
