Tony Lomba e Elio dos Santos, a Orquestra de Música Espontánea, The Blows ou Barrence Whitfield son algúns dos conxuntos que achegarán música este outono á programación da Sala NASA, en Compostela. Nos vindeiros meses haberá ademais tempo para festas coma a de presentación, o vindeiro 10 de outubro, a II Festa pola Liberdade (6 de debembro) ou o cabaret da Ultranoite Científica (6,7 e 8 de novembro) e mais de Pepa e Davide Salvado (12,19 e 26 de novembro). Tamén se manteñen citas tradicionais coma os seráns da NASA e resérvase un espazo para actuacións incluídas na Feira de Artes Escénicas de Galicia, entre o 14 e o 17 de outubro.
