Manuel Rivas é un dos candidatos aos premio Médicis

L´éclat dans l´abîme, versión francesa de Os libros arden mal, é unha das quince obras candidatas aos premios Médicis na categoría de autores estranxeiros. A obra de Manuel Rivas compite nesta categoría con autores da talla de Thomas Pynchon, Ian McEwan ou Peter Ackroyd. O galardón, considerado o máis prestixioso de Francia, entregarase o vindeiro 5 de novembro. A obra de Rivas xa fora seleccionada neste país por Télérama/France Culture coma unha das dez obras estranxeiras das que se emitiron fragmentos en versión radiofónica.