A localización de Galicia no Océano Atlántico provoca que, todos os anos, un gran número de mamíferos mariños e tartarugas varen nas costas galegas debido a enfermidades ou a extenuación. Segundo a presidenta da sociedade de montes en mancomún de Baredo (Baiona), en breve producirase a sinatura do convenio de cesión de terreos coa Consellería de Medio Ambiente para a construción dun centro de asistencia a mamíferos mariños. O centro, que custará millón e medio de euros, contará con piscinas, zonas de atención e quirófanos, e terá usos clínicos, de investigación, documentación e didácticos.
