A reflexión sobre a cultura e a sociedade actual centran as conferencias do ciclo Vigo: Nós e a Cidade

A relación entre cultura e cidade abrirá esta tarde o V ciclo de conferencias Vigo: Nós e a Cidade que organiza a Fundación Casares. Un seminario que abordará temas culturais, coma a importancia dos museos, os distintos festivais que se organizan na cidade, a relación entre a prensa e a cultura e as infraestruturas para as artes escénicas da man de especialistas na materia vencellados ao ámbito universitario e cultural como Manuel Cuenca, José Hormigón ou Iñaki López de Aguilera. Héctor Pose profesor da Facultade de Ciencias da Educación e especialista en temas de políticas culturais locais, participación social e animación teatral, abrirá esta tarde falando da necesidade da planificación estratéxica da cultura.