A obra Transport, que combina diferentes técnicas, valeulle ao creador polaco Brzegorz Handerek o primeiro premio na X Bienal Caixanova de Gravado. O xurado seleccionou para o segundo posto unha obra do español Mikel Belacortu e para o terceiro unha obra de Dorota Nowak, tamén polaca. En total 683 artistas enviaron 1.080 gravados a este certame. Unha selección destas obras visitará diferentes cidades de Galicia ao longo dos vindeiros meses dentro da programación cultural de Caixanova.
