Tossa del Mar acolle a presentación da BD DOS

O vindeiro 16 de setembro ás sete da tarde, a sala de actos da Nau, en Tossa del Mar (Girona), acolle a presentación de DOS. Primeros Síntomas. Esta obra conta con guión de David Braña, vigués de adopción e debuxo de Hernán Fino, e está editada por Drakul. A obra xa se pode adquirir a través de Internet e chegará en breve ás librarías. Tamén acaba de abrir o web desta BD, onde pode verse un trailer da obra e mais unha preview de dez páxinas en PDF.