Os turistas non se interesan polas audioguías en Celanova

Só unha das trinta audioguías do proxecto Sóache Celanova foi empregada ao longo durante o mes de agosto. Dos 1.500 visitantes que pasaron pola oficina de turismo da vila, unicamente un solicitou este servizo, que permite coñecer o contorno histórico e a música asociada ao mesmo. Os contidos da guía están estractados dos itinerarios historico-musicais que elaborou a discográfica Ouvirmos encol diferentes vilas do país co apoio da Dirección Xeral de Turismo. O Concello anunciou xa que este mes de setembro desenvolverá unha campaña promocional para dar a coñecer este servizo turístico.