Unha campaña tentará concienciar a poboación para mellorar a atención aos nosos visitantes

"Galicia é como ti es" é o lema co que a Dirección Xeral de Turismo quere concienciarnos para que tratemos ben a xente que nos visita. A proposta, que consistirá en spots televisivos e publicidade noutros medios, incide nun campo que, segundo recoñece Turismo, xa é especialmente valorado. Segundo explica a nota da Dirección Xeral, téntase "incentivar a resposta positiva da poboación galega cara os visitantes, logo de observar que un dos factores mellor valorados do destino Galicia é a boa acollida da cidadanía". O pasado ano visitaron o noso país 5,7 millóns de persoas.