O número 29 de agosto da revista virtual de xénero Foeminas, promovida pola Casa da Muller do Concello de Lugo, céntrase nunha análise da problemática da publicidade sexista. Segundo a autora deste informe, Micaela Fernández Darriba, "pode dicirse que o problema da publicidade sexista está incluído dentro da violencia simbólica que tamén abrangue e reproduce a violencia física cara ás mulleres". O número 29 de Foeminas tamén presenta unha entrevista co colectivo MAGÉNTA de Perú e presenta o traballo artístico de Bea Macía.
