Nace a Axencia Literaria Galega para promover a carreira profesional dos escritores

Abrir camiños cara o exterior e aumentar a profesionalización dos nosos creadores literarios é o obxectivo que persegue a Axencia Literaria Galega. A empresa dedicarase a representar e promover a carreira literaria de autores galegos tanto cara o exterior como no mercado interior. A iniciativa parte dos responsables da editorial Rinoceronte, Penélope Pedreira e Moisés Barcia, malia que a nova entidade preséntase como algo alleo e idependente da editorial. Aínda que en Galicia é unha figura nova, existen numerosas entidades deste tipo no resto do Estado e no estranxeiro. De feito, un dos propositos desta empresa é conseguir acordos con outras axencias para promover escritores conxuntamente.