O vindeiro curso académico os ourensáns contarán cunha maior oferta educativa, ao incorporarse o ciclo superior de formación profesional de “Xestión e promoción de producións audiovisuais, radiofónicas e espectáculos”. Isto é posible grazas a un convenio entre a ConsellarÃa de Educación e o Concello de Ourense que permitirá dotar de contidos a Escola Municipal de Teatro, inaugurada o pasado mes de xuño. O centro ten capacidade para 22 alumnos e o módulo que comeza a impartirse ten unha duración de 2.000 horas repartidas en dous cursos.
