A primeira promoción da Escola de Teatro de Narón estrea a súa obra Cometa, cometa

Hoxe remata o curso para os alumnos da Escola de Teatro de Narón. Pero para once deles será un final moi especial, porque se converten na primeira promoción da Escola de Teatro que sae do seu ciclo formativo. E o peche será moi especial, xa que estrearán a obra Cometa, cometa, coa que irán de xira por Galicia. Estes alumnos completan así as 2.000 horas de formación repartidas en cinco cursos que fan parte do currículo académico desta escola de formación actoral.