Ás once da mañá abría no Centro Galego de Arte contemporánea a primeira mostra dedicada ao Proxecto_Edición desta temporada. A sombra da historia está comisariada polo propio director do centro, Manuel Olveira, e achega obras de Joan Fotcuberta, Carlos Pazos, Xabier Ribas, Dora García, Ignasi Aballí, Ceal Floyer, Hans-Peter Feldmann, Julian Germain e Jorge Barbi. O eixo da iniciativa céntrase na problemática de acceder á información e aos arquivos nun momento no que se dá unha grande acumulación de datos na sociedade, e mais na imaxe fragmentada da realidade que xera esa situación
