Coa denominación de Centro de Iniciativas Profesionais a Escola Superior de Arte Dramática de Vigo porá en marcha o vindeiro curso o primeiro viveiro de empresas do espectáculo do país. O centro quere facilitarlle saídas profesionais aos seus titulados, e con este fin achegaralles información sobre mercados, a creación de mpresas e outras cuestións semellantes con vistas a que desenvolvan as súas propias firmas de teatro, xestión de espectáculos, guións ou escenografía. Ao tempo, o centro iniciará este outono as especialidades de Dramaturxia e Escenografía. Como consecuencia desta ampliación de titulacións, a ESAD convoca probas extraordinarias de acceso para as especialidades. O prazo de inscrición será desde hoxe ao 28 de agosto.
