A Xunta anuncia que a Escola de Arte Dramática comezará a funcionar en Vigo no 2005

Hai uns meses desvelouse que sería Vigo a cidade na que se situaría a Escola Superior de Arte Dramática. E a Xunta veuno a confirmar, anunciando ademais a súa entrada en funcionamento para o vindeiro curso académico 2005-2006. Un feito que suscitou o malestar do Concello de Santiago quen mantivo negociacións coa Consellaría de Educación durante moito tempo e mesmo chegou a ofrecer un emprazamento provisional. Os estudos de Arte Dramática constan de catro cursos académicos coas especialidades de dirección de escena e dramaturxia, escenografía e interpretación.

Máis información en La Voz de Galicia e sobre toda a polémica do emprazamento do centro na nosa hemeroteca