Unha exposición e actividades no Museo da Cidade de Querétaro están a ser a presentación do selo mexicano de Kalandraka. Libros para soñar inicia a súa andaina coas obras Chivos chivones, El pollito de la avellaneda, El viaje del bisabuelo e mais Orejas de mariposa. Ademais de introducir en México os títulos da casa nai, o novo selo quere servir tamén para publicar obras de autores deste país. A apertura desta marca chega tres meses despois da delegación italiana de Kalandraka, Libri per sognare, que ten a súa sede en Florencia.
