O director da MIT, Rubén García, destacou a “profesionalidade e a loita en favor da dignidade do noso teatro” da Asociación de Actores e Actrices de Galicia. A entrega do Premio de Honra levarase a cabo o día 26 de xullo, no peche da MIT. O acto levarase a cabo ás 22.30 horas no auditorio do Castelo, xusto antes do espectáculo co que se pecha a Mostra, Aeroplanos, da compañía Lagarta Lagarta. No mesmo acto entregarase o Premio Abrente para textos teatrais escritos en lingua galega, que recibiu este ano catorce orixinais, e os galardóns que anualmente se conceden ás compañías participantes na MIT.
