Investigadores discuten no CCG o papel das elites emigrantes no Río da Prata

Entre hoxe e o venres, historiadores analizarán o papel das elites emigrantes na historia dos países do Río da Prata no curso de verán da USC "Elites emigrantes ibéricas no Río da Prata: Patriotismo, intermediación política e proxectos culturais" que organizan os profesores Xosé Manuel Núñez Seixas e Marcela García Sebastiani. O curso celébrase no Consello da Cultura Galega e nel os expertos debaterán e exporán sobre xornalistas, industriais e líderes políticos que desempeñaron un papel activo na emigración.