Titiritione, a segunda mostra individual de Juan Ugalde, componse dun vídeo de animación, The vehicle is invisible, e unha ducia de cadros aos que se engaden, en forma de collage, azulexos, telas estampadas e recortes. Ugalde volve á ironía, prescindindo da fotografía de gran formato da súa etapa anterior. "O humor e a ironía", asegura Chus Villar, da galería TRINTA, "son un dos eixos básicos, así como unha volta á cor que conecta coas obras dos anos oitenta e principios dos noventa. O resultado é un certo "delirio" da imaxe, unha expansión das posibilidades expresivas de formas e figuras".
