O artista valenciano Juan Cuélla presenta na Galería Marisa Marimón a súa riqueza pop

Os diferentes, 2009. Fonte: Marisa Marimón

É un dos artistas españoles con maior proxección da década dos noventa. Os seus conceptos de pop e imaxinería popular pasados pola peneira da figuración marcaron unha época e agora pódese ver en Galicia da man da galería ourensá Marisa Marimón. A exposición Heads,toma como base unha icona do cidadán universal, democrático, industrializado e imperial como é Mickey Mouse, para ir traballando arredor da súa cabeza. Ironía, subversión e crítica nunha exposición que estará aberta ata o vindeiro 10 de xuño.