A Fundación Lois Peña novo entregou onte no Castelo de Soutomaior os premios cos que recoñece o traballo a prol da normalización do galego ao longo do último ano. Nesta edición, o académico Xesús Ferro Ruibal, o maxistrado Manuel Pereira Costas e mais o Concello de Vilar de Santos foron os galardoados. Segundo o xurado, cada un deles "personifican a creatividade profunda e a afervoada paixón pola reconstrución da nosa identidade". O acto contou coa presenza de máis de 200 persoas.
