Home, sweet home de Dudi
Unha recompilación das historias que Eduardo Galán Dudi publicou no Diario de Galicia entre 1987 e 1988 compoñen Home sweet home, que acaba de publicar El Patito Editorial. A obra, que se integra na Biblioteca Feima de Clásicos da Historieta Galega, chegará ás librarías a vindeira semana, e consta de 96 páxinas en branco e negro que inclúen unha pequena introdución. As reflexións dunha moza e dos bonecos cos que vive compoñen unha obra intimista na que non falta o humor.
