A colección Meiga Moira, de Baía Edicións, acaba de lanzar unha serie coa que pretende achegar aos mais novos á ciencia. Os primeiros títulos, Boa sorte e O tempo do revés reúnen textos de María Solar con debuxos de Xosé Tomás e actividades de Arturo Iglesias. O proxecto aproveita a literatura para propor, ao final de cada obra, actividades interactivas para os mais novos relacionadas coa historia. Un xeito diferente de se achegar aos libros e ao coñecemento científico.
