Do Cumio edita a primeira serie de manga en galego

Bícame profe, unha serie de manga de Kazuma Kodaka será a primeira edición de BD xaponesa en galego. A aposta chega da man de Edicións do Cumio, que xa ten na rúa o primeiro volume deste título, unha obra de 200 páxinas en branco e negro, formato de peto e sentido oriental de lectura que recolle os primeiros catro capítulos. A obra, que se pode adquirir por 8,90 euros, é do xénero yaoi e narra a historia de amor e desamor entre un mozo adolescente e o seu profesor de instituto.