Chega á rúa o segundo volume de Bícame profe

Edicións do Cumio anuncia no seu web que xa está na rúa o segundo volume de Bícame profe a primeira serie manga traducida ao galego. Nesta entrega, os protagonistas realizan unha vaixe a Hawai, onde o mozo Atsushi-kun continuará loitando por conseguir o amor do seu profesor. A editorial ten dispoñible no seu web unha mostra de 12 páxinas da obra, que sae á venda cun prezo de 8,90 euros e 200 páxinas en total. A editorial sinalou a boa acollida do primeiro volume e anunciou que está a preparar o lanzamento de novos títulos de manga para os vindeiros meses.