É "unha reunión de tendencias e linguaxes autoesixentes, propios dunha estrutura creativa peninsular, actual, crítica e plural", afirma a galería de arte compostelá C5 da súa mostra Artistas en Acción que se poderá ver ata o 5 de xullo na sala. Diferentes disciplinas artísticas e diferentes procedencias dos artistas que converxen neste "encontro colectivo". De tal xeito, os galegos
Santi Jiménez, Pablo Pérez Sanmartín, Andrea Costas, Alberto Iglesias e Enrique Lista céntranse no retrato social. David Trujillo "incide na fractura entre o privado e o público", María Zambrana "opta por elocuentes poemas de tintes surrealistas" e o francés Hakeem B, mediante vídeo ou debuxo, pensa na "supervivencia do individuo nas sociedades contemporáneas".
