O director do Museo do Mar explícanos a exposición "Onde o mundo se chama Terranova"

Máis de 370 fotografías, recreacións dos espazos dun barco de altura, obxectos e diferentes textos que amosan o traballo que os mariñeiros galegos desenvolveron durante anos nas costas do Canadá na pesca do bacallao. O Museo do Mar inaugurou esta mañá “Onde o mundo se chama Terranova”, unha exposición temporal que se poderá visitar ata o vindeiro 21 de setembro en Vigo e que achega a visión de varios biólogos que botaron meses embarcados.