O Museo do Mar abre hoxe as súas portas despois de catorce anos de iniciarse a súa construcción. O vicepresidente da Xunta, Anxo Quintana e a Conselleira de Cultura, Ánxela Bugallo, foron os encargados de inaugurar esta mañá o complexo dedicado á cultura marítima. O centro abre as súas portas cunha exposición permanente (dedicado á historia marítima de Galicia e aos fundamentos da oceanografía mundial e que conta cun acuario que reproduce os hábitats mariños da ría de Vigo). No 2008, a oferta do museo completarase con exhibicións temporais sobre a captura do bacallau (titulada "Onde o mundo se chama Terranova"), outra sobre o mar na arte contemporánea e unha última sobre o mundo da pesca. Ademais, no propio complexo crearase o Centro de Arqueoloxía Subacuática para a investigación e protección do patrimonio cultural mergullado.
Máis información no web da Consellaría de Cultura e na nosa hemeroteca
