Lugo acolle a segunda edición do encontro Anda na Banda

O encontro “Anda na Banda” comeza en Lugo a súa segunda edición. A proxección de “De Profundis”, seguida dun coloquio con Miguelanxo Prado e Nani García dan saída ao evento, martes ás nove no Auditorio Gustavo Freire. A proposta continua esta mesma semana coa liberación de trescentas obras de BD na cidade e no campus, e para finais deste mes, con bedés portuguesas. Segundo anuncian desde a Vicerreitoría de Cultura da Universidade de Santiago, que coordina o evento, para o vindeiro mes de outubro está previsto continuar este ciclo con exposicións e outras actividades.