O coleccionismo de arte e a música centran a programación do MARCO

O Museo de Arte Contemporánea de Vigo (MARCO) acaba de presentar a súa programación para os vindeiros meses. O coleccionismo privado e a música (cun concerto homenaxe a Enrique Macías) son os principais eixes da súa actividade que abre unha liña reflexiva sobre o papel deste tipo de centros. De feito, o MARCO ten previsto celebrar entre xuño e setembro, un proxecto titulado “O medio é o museo” no que destaca o espazo como protagonista da mostra pero tamén como soporte artístico.