Touriño aborda co director da Unesco as propostas galegas a este organismo

As posibilidades da Torre de Hércules a ser Patrimonio da Humanidade foron un dos eixes do encontro que esta fin de semana mantiveron o presidente da Xunta, Emilio Pérez Touriño, e mais o director xeral da Unesco, Koichiro Matsuura, en París. Canda a isto, os dous dirixentes acordaron que Galicia colabore coa recuperación patrimonial en Iberoamérica, a partir das experiencias de Lugo e Santigo. Finalmente, Matsuuar animou a Galicia presentar novas proposta de patrimonio inmaterial para ser declaradas Obras Mestras da Humanidade de cara a 2009. Na mesma viaxe, o presidente da Xunta asinou un convenio co Instituto Cervantes polo que esta entidade apoiará o galego nas súas actividades mentres que a Xunta apoiará o programa de difusión do español en Internet.

A iniciativa xorde, de novo do Laboratorio de Colaboración Artística
Son máis de 35 espazos de creación os que participan nesta iniciativa, entre elas oito galerías de arte. Un obradoiro e unha mostra de mail art, con contribucións dun cento de artistas de todo o mundo inician hoxe o programa na Biblioteca Ánxel Casal da capital galega. As visitas comezan este venres oito cun horario nocturno de visita a partir das oito da tarde.

Entre as novidades máis destacadas desta segunda edición está Operación Frechazo, un sistema de votación por postais que lle permite ao público puntuar os seus artistas preferidos. Os finalistas contarán cunha mostra conxunta na sede compostelá do Colexio de Arquitectos de Galicia en Compostela e ao gañador organizaráselle unha exposición individual.