Os concellos proxectan unir os bens Patrimonio da Humanidade

A idea saíu do alcalde da Coruña, Javier Losada, logo da declaración da Torre de Hércules coma Patrimonio da Humanidade. Esta mesma semana, un encontro do rexedor cos seus homólogos de Compostela e Lugo abordará a posibilidade de crear unha ruta do Patrimonio Galego. Este novo itinerario pretende potenciar turísticamente e de xeito conxuntop os elementos recoñecidos pola UNESCO: A Torre de Hércules, o Camiño de Santiago e mais a Muralla Romana de Lugo.