A Sociedade Xeral de Autores presentou esta mañá en Santiago un avance das súas cifras de xestión relativas a Galicia no 2007. Os datos fan parte da memoria anual que se aprobará en Madrid o vindeiro 15 de maio e que dá conta das representacións de pagamento nese período. Segundo a SGAE, “Cabaret”, “Fama”, “Wanted” e “Despedida e peche”, co que o ourensán Moncho Borrajo puña fin á súa carreira artística, foron os espectáculos de artes escénicas que máis espectadores conseguiron. En canto aos concertos de musica moderna foron Maná, a xira de Serrat e Sabina, Andrés Calamaro, Fito&Fitipaldis e Alejando Sanz. Na música clásica, a Sinfónica de Galicia é a formación que máis público tivo, ocupando os catro primeiros postos do ranking.
