Xurxo Mariño presenta o seu libro de divulgación científica “Pó de estrelas”

O debate do creacionismo, a importancia dos microorganismos no mundo actual, a vida dos astronautas... estes son algúns dos temas que Xurxo Mariño analizou na súa columna “Os dados do reloxeiro” para Culturagalega.org. Pero tamén os mesmos que fan parte da publicación “Pó de estrelas” que edita o Consello da Cultura Galega e que o autor xunto con Francisco Díaz Fierros, coordinador da Sección de Ciencia, Técnica e Sociedade; Salustiano Mato, director xeral de I+D+I da Consellería de Innovación; Santy Gutiérrez, ilustrador, e Manuela Mariño, autora das infografáis, deron a coñecer hoxe no Instituto Rosalía de Castro de Compostela.