O festival de curtametraxes de Redondela cumpre catro anos. E para esta edición que comeza o vindeiro 24 de abril, a organización abre un novo camiño. Unha etapa na que se prescinde da sección documental en favor da ficción e na que lle abre a porta á longametraxe (na sección “Máis minutos”). Canda isto haberá seccións informativas sobre as posibilidades do formato dixital, varios coloquios que establecerán distintos actores ou directores e máis actividades paralelas.
