Os datos da Rede Galega de Teatros e Auditorios e mais da Rede Galega de Salas indican que as compañías galegas que participaron nestes circuítos escénicos subiron a súa facturación un 16% en 2007. Segundo publica hoxe o boletín e-scena, do Instituto de Artes Escénicas e Musicais, neste mesmo período o número de compañías que facturaron máis de 100.000 euros chegou ás 21 fronte ás oito que acadaran esta cantidade en 2005. No caso dos monicreques, o crecemento no último ano chegou a un 33% a respecto da temporada anterior.
