Di o dicionario que unha redeira é a persoa que fai, arma ou caza con redes. Pero en Galicia son “un símbolo de identidade de Galicia”, tal e como afirmou o vicepresidente da Xunta, Anxo Quintana. Por ese motivo, o goberno acaba de presentar o proxecto “Arlinga 2008” co que pretende mellorar e dignificar este oficio que ocupa a 1.100 persoas no noso país. Con 600.000 euros achegaranse axudas económicas para facer fronte aos custes da Seguridade Social, e un programa de formación. Ademais a iniciativa pretende activar axudas para fomentar o cooperativismo.
